حکومتِ پاکستان نے بھارتی پروازوں پر اپنی فضائی حدود کے استعمال پر عائد پابندی کی مدت میں باضابطہ طور پر توسیع کر دی ہے۔ سول ایوی ایشن اتھارٹی (سی اے اے) کی جانب سے جاری کردہ نئے نوٹم (NOTAM) کے مطابق بھارتی کمرشل اور ایوی ایشن پروازیں 24 نومبر 2026 تک پاکستانی فضائی حدود استعمال نہیں کر سکیں گی۔
یہ فیصلہ قومی سلامتی، سیکیورٹی کے حالات اور خطے کی مجموعی صورتحال کے پیش نظر کیا گیا ہے۔ نوٹم کی کاپی تمام متعلقہ بین الاقوامی ایوی ایشن اداروں، ایئر لائنز اور ایئر ٹریفک کنٹرولرز کو ارسال کر دی گئی ہے تاکہ تمام پروازیں اپنے متبادل روٹس کا استعمال یقینی بنائیں۔ حکام کا کہنا ہے کہ ملکی فضائی حدود کی حفاظت اور خودمختاری پر کوئی سمجھوتہ نہیں کیا جائے گا اور صورتحال کا جائزہ لینے کے بعد آئندہ کے اقدامات کا فیصلہ کیا جائے گا۔
