اجلاس میں نیلا گنبد پارکنگ پلازہ کے ڈیزائن اور تعمیراتی پلان بارے بریفنگ دی گئی۔ ٹیپا ستمبر کے پہلے ہفتے سے نیلا گنبد پارکنگ پلازہ کی تعمیر کا آغاز کریں گا۔ نیلا گنبد پارکنگ پلازہ 16 کنال پر تعمیر کیا جائے گا۔ نیلا گنبد میں زیر زمین تین بیسمنٹ پر پارکنگ پلازہ اور بیسمنٹ میں دکانیں بنائی جائیں گی۔ نیلا گنبد پارکنگ پلازہ میں 374 گاڑیوں اور 790موٹر سائیکلوں کی پارکنگ کی گنجائش ہوگی۔ پارکنگ پلازہ میں پارکنگ مینجمنٹ سسٹم ، فائر فائٹنگ سسٹم ، سی سی ٹی وی ، واش رومز سمیت دیگر سہولیات میسر ہوں گی۔ ڈی جی ایل ڈی اے کا کہنا تھا کہ شہر کے مصروف ترین علاقے میں پارکنگ پلازوں کی تعمیر سے شہریوں کو سہولت ملے گی۔ پارکنگ پلازہ کی حدود میں آنے والی دکانیں زیر زمین مارکیٹ میں بنائی جائیں گی۔ وائس چیئرمین ایل ڈی اے میاں مرغوب احمد اور ڈی جی ایل ڈی اے نے نیلا گنبد مارکیٹ کا دورہ کیا۔ نیلا گنبد مارکیٹ کے تاجروں کو منصوبے بارے تفصیلی بریفنگ دی گئی۔ وائس چیئرمین ایل ڈی اے کا کہنا تھا کہ تمام سٹیک ہولڈرز کو آن بورڈ کر رہے ہیں، علاقے میں مثبت تبدیلی آئے گی۔ متاثرہ دکانداروں کو ایک سال کا بزنس لاس ملے گا۔ اس موقع پر ڈائریکٹر ٹیپا، ڈائریکٹر ٹریفک انجینئرنگ اور متعلقہ افسران بھی موجود تھے۔